• ផលិតនិងចែកចាយទឹកស្អាតសម្រាប់ប្រើប្រាស់ជូនដល់ប្រជាពលរដ្ឋទូទាំងរាជធានីភំ្នពេញ ទីប្រជុំជនជុំវិញរាជធានីភំ្នពេញ និង ទីប្រជុំជនរបស់ខេត្តកណ្តាលជាប់នឹងរាជធានីភ្នំពេញ។

• សេវាសុំដកប្រាក់កក់ធានាការប្រើប្រាស់ទឹក ៖
- អតិថិជនត្រូវមកទំនាក់ទំនងយកពាក្យសុំដកប្រាក់កក់ពីនិយោជិតរបស់ការិយាល័យចំណូលខណ្ឌណា មួយ (ត្រូវគ្នានឹងទីតាំងប្រើប្រាស់ទឹក) នៃនាយកដ្ឋានអាជីវកម្មដែលផ្តល់ជូនដោយ ឥតគិតថ្លៃ។
- ក្រោយពីបំពេញឯកសារខាងលើរួច អតិថិជនត្រូវយកមកដាក់នៅការិយាល័យចំណូលខណ្ឌដដែល។
- ក្រោយពីទទួលបានសំណុំពាក្យសុំដកប្រាក់កក់ ធានាប្រើប្រាស់ទឹកគ្រប់គ្រាន់ពីអតិថិជនរួច ការដកប្រាក់កក់អាចផ្តល់ជូនអតិថិជនក្នុងរយៈពេលមិនលើសពី ៧ថ្ងៃការងារ ដោយពុំគិតកម្រៃសេវាឡើយ។

• ឯកសារពាក្យសុំដកប្រាក់កក់ធានាការប្រើប្រាស់ទឹកមាន :
- បង្កាន់ដៃបង់សិទ្ធិជាវទឹកច្បាប់ដើម
- បង្កាន់ដៃបង់ប្រាក់កក់បន្ថែមច្បាប់ដើម
- ច្បាប់ចម្លងអត្តសញ្ញាណបណ្ណ ឬ លិខិតឆ្លងដែនរបស់អ្នកស្នើសុំ (០១ ច្បាប់)
- ច្បាប់ចម្លងវិក្កយបត្រថ្លៃទឹកចុងក្រោយ (០១ ច្បាប់)
• ប្រសិនបើអ្នកមកដកប្រាក់កក់ពុំមែនជាម្ចាស់កម្មសិទ្ធិ ត្រូវមានលិខិតផ្ទេរសិទ្ធិពីម្ចាស់កម្មសិទ្ធិ និងអ្នក ទទួលសិទ្ធិ
• ប្រសិនបើអ្នកមកដកប្រាក់កក់ជាអ្នកជួលទីតាំង ត្រូវមានលិខិតអនុញ្ញាតពីម្ចាស់កម្មសិទ្ធិលើទីតាំងឲ្យអ្នកជួល បើកប្រាក់កក់ដែលខ្លួនបានបង់កន្លងមក និងអត្តសញ្ញាណបណ្ណរបស់ម្ចាស់កម្មសិទ្ធិ និងអ្នកជួលទីតាំង។

ទាញយកទម្រង់បែបបទស្នើសុំ ទាញយកទម្រង់បែបបទស្នើសុំ ទាញយកទម្រង់បែបបទគំរូ

• អតិថិជនដែលអាចមកសុំដកប្រាក់កក់ធានាការប្រើប្រាស់ទឹកបាន លុះត្រាតែទីតាំងរបស់អតិថិជននោះឈប់ ប្រើប្រាស់ទឹក និងត្រូវបានកាត់ផ្តាច់បណ្តាញទឹកជាស្ថាពរដោយភ្នាក់ងារ រ.ទ.ស.ភ។
១. រដ្ឋបាលការិយាល័យ ទទួលសំណើពីអតិថិជន
២. និយោជិតរដ្ឋបាលធ្វើកំណត់បង្ហាញ
៣. ប្រធានការិយាល័យពិនិត្យ និងផ្តល់យោបល់
៤. ប្រធាននាយកដ្ឋានពិនិត្យ និងផ្តល់យោបល់
៥. អគ្គនាយិការង ពិនិត្យ និងសម្រេច
៦. និយោជិតរដ្ឋបាល បញ្ជូនឯកសារទៅនាយកដ្ឋានគណនេយ្យ និងហិរញវត្ថុ មិនលើសពី ៧ថ្ងៃការងារ។

បង្ហាញនីតិវិធី

ក. ព័ត៌មាន
ព័ត៌មានពាក់ព័ន្ធនឹងការផ្តល់សេវាផ្គត់ផ្គង់ទឹកស្អាត ៖
១. ដំណើរការផលិតទឹកស្អាត
២. គុណភាពទឹក (អាចបរិភោគបានដោយផ្ទាល់ពីក្បាលរ៉ូប៊ីនេ)
៣. អាសយដ្ឋានអង្គភាព រ.ទ.ស.ភ
៤. ទីកន្លែងទំនាក់ទំនងសួរព័ត៌មាន និងសុំពាក្យ-ដាក់ពាក្យសុំតបណ្តាញទឹក ព្រមទាំងបែបបទក្នុងដាក់ ពាក្យសុំតបណ្តាញទឹក
៥. តម្លៃតបណ្តាញសម្រាប់ប្រជាពលរដ្ឋធម្មតា
៦. នយោបាយផ្តល់ឧបត្ថម្ភថ្លៃតបណ្តាញ សម្រាប់ប្រជាពលរដ្ឋចំណូលទាប
៧. តម្លៃទឹកតាមប្រភេទប្រើប្រាស់ និងរបៀបគណនាថ្លៃទឹកក្នុងវិក្កយបត្រ
៨. ព្រំដែននៃការទទួលខុសត្រូវលើបណ្តាញទឹក
៩. អំពីករណីដែលអតិថិជនត្រូវបង់ប្រាក់ជូនអង្គភាពរដ្ឋាករទឹកស្វយ័តក្រុងភ្នំពេញ (នាឡិកាបាត់, នាឡិកា ទឹកខូច, ខ្សែប្លុំបេដាច់, វ៉ានខូច និងជង្គង់ស្តង់ដាបាត់ ឬខូចដែលបង្កឡើងដោយអតិថិជន
១០. របៀបស្វែងរកបណ្តាញទឹកធ្លាយក្រោយនាឡិកាស្ទង់
១១. ឯកសណ្ឋានមន្ត្រីនិយោជិតកម្មករ រ.ទ.ស.ភ ដើម្បីចៀសវាងក្លែងបន្លំក្នុងគោលបំណងអាក្រក់
១២. លេខទូរស័ព្ទទំនាក់ទំនង ៖ 023 725 046 / 023 430 541 / 097 77 333 05 / 097 77 333 45
មធ្យោបាយផ្សព្វផ្សាយព័ត៌មានពីការផ្តល់សេវា
ព័ត៌មានស្តីពីការផ្តល់សេវាត្រូវបានផ្សព្វផ្សាយជាសាធារណៈតាមរយៈ ៖
១. ការប្រជុំផ្សព្វផ្សាយរួមនៅតំបន់ទើបផ្គត់ផ្គង់ទឹកថ្មី ទាំងនៅតំបន់ប្រជាពលរដ្ឋធម្មតា និងតំបន់ប្រជាពលរដ្ឋសហគមន៍អ្នកមានចំណូលទាប
២. បិទផ្សាយនៅលើក្តារព័ត៌មាន និង នៅកន្លែងផ្តល់សេវាផ្ទាល់ ដូចជាកន្លែងចែក-ដាក់ពាក្យសុំតបណ្តាញ ទឹក និងកន្លែងបង់ប្រាក់ថ្លៃទឹក
៣. តុផ្តល់ព័ត៌មាននៅគ្រប់បញ្ជរបង់ប្រាក់ទាំងនៅស្នាក់ការកណ្តាល តាមអាងតម្កល់ទឹក និងសាខា អាជីវកម្មក្រុងតាខ្មៅ
៤. ទូរស័ព្ទទំនាក់ទំនង ២៤ម៉ោង ដែលមាននៅលើខ្នងវិក្កយបត្រទឹក
៥. ផ្តល់ឯកសារព័ត៌មានជូនអតិថិជនបន្ទាប់ពីបង់ប្រាក់ថ្លៃតបណ្តាញរួច
៦. ព័ត៌មានតាមរយៈគេហទំព័រ រ.ទ.ស.ភ www.ppwsa.com.kh
៧. ព័ត៌មានតាមរយៈការធ្វើលិខិតឆ្លើយតបជាផ្លូវការ
៨. ព័ត៌មានតាមរយៈវិក្កយប័ត្របង់ប្រាក់ថ្លៃទឹក។
ខ. ភាពឆ្លើយតប
ការទទួល ៖
១. អ្នកផ្តល់សេវារបស់អង្គភាពរដ្ឋាករទឹកស្វយ័តក្រុងភ្នំពេញ តម្រូវឲ្យមានអាកប្បកិរិយារួសរាយរាក់ទាក់ជាមួយអតិថិជនជានិច្ច។
២. មន្ត្រី-និយោជិត រដ្ឋាករទឹកស្វយ័តក្រុងភ្នំពេញមានឯកសណ្ឋាន ០៤ប្រភេទ ព្រមទាំងមានពាក់ស្លាក ឈ្មោះនៅលើហោប៉ៅអាវខាងឆ្វេង និងស្លាកសញ្ញារបស់អង្គភាពនៅលើដៃអាវខាងឆ្វេង ដើម្បីឲ្យអតិថិជនងាយស្រួលទំនាក់ទំនងការងារ។
៣. មានការិយាល័យម៉ាស៊ីនត្រជាក់ និង មានកៅអីអង្គុយរង់ចាំគ្រប់គ្រាន់សម្រាប់ទទួលអតិថិជនដែលមក ដាក់ពាក្យសុំតបណ្តាញទឹក។
៤. មានតុផ្តល់ព័ត៌មាន និង បញ្ជរសម្រាប់ឲ្យអតិថិជនចូលមកបង់ប្រាក់ត្រឹមត្រូវ។
យន្តការសម្របសម្រួល និង ការឆ្លើយតបចំពោះការលំបាករបស់អតិថិជន ៖
១. សម្រួលដំណើរការដាក់ពាក្យសុំតបណ្តាញទឹករបស់អតិថិជនចំណូលទាប : សម្រួលដល់បងប្អូនប្រជាពលរដ្ឋចំណូលទាបនៅតំបន់ជាយក្រុង ក្នុងការធ្វើដំណើរមកទំនាក់ទំងការងារតបណ្តាញទឹក (សុំពាក្យ-ដាក់ពាក្យ-បង់ថ្លៃតបណ្តាញ) ដល់ទីតាំងអង្គភាពផ្ទាល់ដែលមានចំងាយឆ្ងាយត្រូវចំណាយ ទាំងថវិកា និង ពេលវេលាអស់ច្រើននោះ រដ្ឋាករទឹកស្វយ័តក្រុងភ្នំពេញតែងតែបង្កើតស្នាក់ការបណ្តោះ អាសន្ននៅទីតាំងសហគមន៍ផ្ទាល់តែម្តង ដើម្បី ៖
- ផ្តល់ពាក្យសុំតបណ្តាញទឹកដោយឥតគិតថ្លៃ
- ទទួលពាក្យសុំតបណ្តាញទឹក         
- ទទួលប្រាក់តបណ្តាញទឹក
- សម្ភាសន៍ប្រជាពលរដ្ឋ ដើម្បីផ្តល់កម្រិតឧបត្ថម្ភធន
២. សម្រួលថ្លៃតបណ្តាញទឹកជូនប្រជាពលរដ្ឋចំណូលទាប : រ.ទ.ស.ភ មានគោលនយោបាយជួយដល់ ប្រជាពលរដ្ឋចំណូលទាបឲ្យទទួលបានបណ្តាញទឹកស្អាតប្រើប្រាស់ដោយផ្ទាល់ពីរដ្ឋ គោលនយោបាយនេះអនុញ្ញាតឲ្យប្រជាពលរដ្ឋចំណូលទាប :
- បង់រំលស់ថ្លៃបណ្តាញ ១០ខែ ១៥ខែ និង ២០ខែ
- ឧបត្ថម្ភធនបញ្ចុះថ្លៃបណ្តាញ ៣០%, ៥០%, ៧០% និង ១០០%
តាមរយៈកម្មវិធីនេះ យើងបានជួយសន្សំថវិកាឲ្យប្រជាជនអ្នកប្រើប្រាស់ទឹក និង បានធ្វើឲ្យប្រសើរ ឡើងនូវសុខភាពរបស់ប្រជាពលរដ្ឋ ព្រមទាំងជួយសន្សំពេលវេលាសំរាប់ស្ត្រីមេផ្ទះ និង កុមារថែមទៀតផង។
៣. សម្រួលដល់ការដាក់ពាក្យសុំតបណ្តាញទឹករបស់ប្រជាពលរដ្ឋទូទៅ : ដើម្បីសម្រួលដល់ការលំបាករបស់បងប្អូនប្រជាពលរដ្ឋក្នុងការបំពេញបែបបទដាក់ពាក្យសុំតបណ្តាញទឹក រដ្ឋាករទឹកស្វយ័តក្រុងភ្នំពេញបានបង្កើតនូវបែបបទដំណើរការស្តង់ដាការងារ (SOP) តបណ្តាញទឹកជូនអតិថិជនដែលបែបបទនេះបានកំណត់គ្រប់ជំហ៊ានការងារទាំងអស់រាប់ចាប់តាំងពី៖
- ការចែកពាក្យជូនអតិថិជនដោយឥតគិតថ្លៃ
- ការជូនដំណឹងណាត់ជួបអតិថិជនដើម្បីវាស់វែងទីតាំង
- ការជូនដំណឹងឲ្យអតិថិជនមកបង់ប្រាក់ថ្លៃតបណ្តាញ និង
- ការចុះតបណ្តាញជូនអតិថិជនជាដើម ។ល។
រាល់ជំហានការងារនីមួយៗសុទ្ធតែមានកំណត់ពេលវេលាយ៉ាងច្បាស់លាស់។ ឧទាហរណ៍: ដូចជាការចុះតបណ្តាញត្រូវធ្វើឡើងមិនឲ្យលើសពី ៣ថ្ងៃ (ថ្ងៃធ្វើការងារ) បន្ទាប់ពីអតិថិជនបានបង់ប្រាក់រួច ជាដើម។
៤. សម្រួលការបង់ប្រាក់ថ្លៃប្រើប្រាស់ទឹក : បានបង្កើតបេឡាទទួលប្រាក់ថ្លៃទឹកនៅតាមទីតាំងអាងតម្កល់ ទឹកតំបន់ជាយក្រុងទាំង៣កន្លែង, ការិយាល័យចំណូលតាខ្មៅ ១កន្លែង និង រោងចក្រផលិតទឹកស្អាត និរោធនិ៍ ព្រមទាំងបង្កើតប្រព័ន្ធបង់ប្រាក់តាមធនាគារ និង ប្រព័ន្ធទូរស័ព្ទដៃរបស់ធនាគារពាណិជ្ជកម្ម អន្តរជាតិ (FTB), ធនាគារអេស៊ីលីដា(ACLEDA), ធនាគារកាណាឌីយ៉ា, WING និង ប្រព័ន្ធទូរស័ព្ទ ក្រុមហ៊ុន Mobitel (Cellcard Cash) ដែលបានជួយសំរួលយ៉ាងច្រើនដល់ប្រជាពលរដ្ឋមានលំនៅដ្ឋានតំបន់ជាយក្រុងឆ្ងាយៗដែលត្រូវចំណាយទាំងថវិកានិងពេលវេលាក្នុងការធ្វើដំណើរមកបង់ប្រាក់ថ្លៃទឹក។
គ.     អតិថិជនអាចទំនាក់ទំនងសួរ និង ផ្តល់ព័ត៌មានតាមរយៈ
-    ទូរស័ព្ទលេខ    : 023 724 046 / 023 430 541 / 023 430 179
-    គេហទំព័រ     : www.ppwsa.com.kh
-    អ៊ីមែល     : admin@ppwsa.com.kh