ផ្តល់កិច្ចសម្រួលដល់អ្នកវិនិយោគដើម្បីបិទក្រុមហ៊ុន (បញ្ឈប់ជាស្ថាពរនូវការអនុវត្តគម្រោងវិនិយោគមានលក្ខណៈសម្បត្តិគ្រប់គ្រាន់)
ដោយត្រូវដោះស្រាយបញ្ហាការងារជូនកម្មករតាមច្បាប់ និងបទប្បញ្ញត្តិជាធរមាន

•    រយៈពេល ១០ (ដប់) ថ្ងៃនៃថ្ងៃធ្វើការ
•    អត់គិតថ្លៃ

•    ពាក្យស្នើសុំ (ចុះហត្ថលេខាដោយអ្នកមានសិទ្ធិ) (០៣ ច្បាប់ដើម)
•    សេចក្តីសម្រេចរបស់សមាជិកភាគហ៊ុន ក្នុងការបញ្ឈប់ការអនុវត្តគម្រោង (០៣ច្បាប់ដើម)
•    លក្ខន្តិកៈក្រុមហ៊ុននិងវិញ្ញាបនបត្រចុះបញ្ជីជាស្ថាពរ (០១ច្បាប់ថតចម្លង)
•    វិញ្ញាបនបត្រជម្រះកាតព្វកិច្ចពន្ធអាករគយ ចេញដោយអគ្គនាយកដ្ឋានគយ និងរដ្ឋាករកម្ពុជា (០១ច្បាប់ថតចម្លង)
•    ឯកសារបញ្ជាក់ពីស្ថានភាពសារពើពន្ធ ចេញដោយអគ្គនាយកដ្ឋានពន្ធដារ (០១ ច្បាប់ថតចម្លង)
•    លិខិតបញ្ជាក់ស្ថានភាពបំណុលតតិយជន (កម្មករ-និយោជិត) ដែលបានជម្រះ “ប្រសិនបើមាន” (០១ច្បាប់ថតចម្លង)

ទាញយកទម្រង់បែបបទស្នើសុំ

•    តុទទួលភ្ញៀវ “ច្រកចេញ-ចូលតែមួយ” ទទួលឯកសារ បន្ទាប់ពីមន្រ្តីជំនាញប្រចាំការពិនិត្យរួចរាល់
•    នាយកដ្ឋានរដ្ឋបាល បញ្ជូនទៅ នាយកដ្ឋាននីតិកម្មនិងច្បាប់វិនិយោគ និងនាយកដ្ឋានត្រួតពិនិត្យ
និងតាមដានគម្រោងនៃគណៈកម្មាធិការវិនិយោគកម្ពុជា/ក្រុមប្រឹក្សាអភិវឌ្ឍន៍កម្ពុជា ដើម្បីចាត់ចែងតាមមុខការ
•    មន្រ្តីជំនាញត្រូវរៀបចំកំណត់បង្ហាញដោយភ្ជាប់របាយការណ៍របស់នាយកដ្ឋាន ត្រួតពិនិត្យ និងតាមដានគម្រោងវិនិយោគ
មុនដាក់ជូនប្រធាននាយកដ្ឋានពិនិត្យផ្តល់មតិ
•    ឯកឧត្តមអគ្គលេខាធិការរង “គ.វ.ក” ពិនិត្យផ្តល់មតិ
•    ឯកឧត្តមអគ្គលេខាធិការ “ក.អ.ក” ពិនិត្យនិងសម្រេច ព្រមទាំងចុះហត្ថលេខាលើលិខិតអនុញ្ញាត ហើយបញ្ជូនទៅតុទទួលភ្ញៀវ “ច្រកចេញ-ចូលតែមួយ”
ដើម្បីយកទៅចុះលេខនិងប្រថាប់ត្រា មុននឹងអញ្ជើញអ្នកវិនិយោគមកទទួលយកលិខិតអនុញ្ញាត

បង្ហាញនីតិវិធី

សេវានេះត្រូវធ្វើឡើងអនុលោមតាមភាពចាំបាច់ដែលក្រុមប្រឹក្សាអភិវឌ្ឍន៍កម្ពុជាដើរតួនាទីជាច្រកចេញ-ចូលតែមួយសម្រាប់ការងារពាក់ព័ន្ធនឹងការវិនិយោគមានលក្ខណៈសម្បតិ្ត
គ្រប់គ្រាន់ដូចមានចែងក្នុងច្បាប់ និងបទប្បញ្ញត្តិពាក់ព័ន្ធនឹងវិនិយោគជាធរមាន។